ივანე ჯავახიშვილის სახელობის თბილისის სახელმწიფო უნივერსიტეტის ფსიქოლოგიისა და განათლების მეცნიერებათა ფაკულტეტის საბჭოს სხდომის ოქმი N 5

27.05.2021

დღის წერსიგი:

1. აკადემიური პერსონალის სამეცნიერო საქმიანობის შეფასება და მონიტორინგი;
2. ფაკულტეტზე ფინალური გამოცდების სია, ფორმატი და ჩატარების პლატფორმა;
3. IRB- სამეცნიერო კვლევის ეთიკური საბჭოს შესახებ;
4. სტუდენტური ელექტრონული ჟურნალის -  „ფსიქოლოგია და განათლების მეცნიერებები“  გამოცემა;
5. ინტერდისციპლინური ცენტრის და სოციალური ფსიქოლოგიის ცენტრის ხელმძღვანელების დამტკიცება;
6. ფსიქოლოგიის ფაკულტეტის ბაკალავრიატის 2003 წლის კურსდამთავრებულ ნატავან მამედოვას დიპლომის ფორმისათვის განსაზღვრული სავალდებულო მონაცემის შექმნა და მინიჭებული აკადემიური ხარისხის დაზუსტება;
7. სხვა

ფაკულტეტის საბჭოს სხდომა გაიმართა ონლაინ, უმის აპლიკაციის მეშვეობით.

განსახილველ საკითხებთან დაკავშირებული  მასალები წინასწარ გაეგზავნათ საბჭოს წევრებს.

სხდომას ესწრებოდნენ:

საბჭოს თავჯდომარე: პროფესორი თამარ გაგოშიძე

ფაკულტეტის საბჭოს  წევრები :

ფსიქოლოგიის სასწავლო-სამეცნიერო დეპარტამენტი:

პროფესორები :

ლალი სურმანიძე, ია კუტალაძე, მზია წერეთელი.

ასოცირებული პროფესორები:

მანანა მელიქიშვილი, ირინე ჟვანია, ეკატერინე ფირცხალავა, ლუიზა არუთინოვა, ხათუნა მარწყვიშვილი,  ანასტასია ქიტიაშვილი, თამარ აბაშიძე,  ვახტანგ ნადარეიშვილი, შორენა მამუკაძე, ბელა არუთინოვა, ლილი ხეჩუაშვილი.

განათლების მეცნიერებათა სასწავლო-სამეცნიერო დეპარტამენტი:

პროფესორი: ქეთევან ჭკუასელი

 ასოცირებული პროფესორი:

 რუსუდან სანაძე, იზაბელა  პეტრიაშვილი

კენჭისყრაში სულ მონაწილეობდა 18  წევრი

მოისმინეს:
1. აკადემიური პერსონალის სასწავლო და სამეცნიერო საქმიანობის შეფასება და მონიტორინგი
პროფესორმა თამარ გაგოშიძემ საბჭოს წევრებს მოკლედ მოახსენა პროფესორთა მიერ სამუშაოს შესრულებისა და ანაზღაურების სისტემის შესახებ. მან აღნიშნა, რომ წინა შეხვედრაზე
განხილული დოკუმენტი გადაგზავნილ იქნა იურიდიულ დეპარტამენტში და შეტანილ იქნა ცვლილება. ეს ცვლილება ეხებოდა სერვისის ნაწილში პროფესორთა ანაზღაურებას, რაც
ამოღებულ იქნა პროფესორის მიერ გაწეული სამუშაოების შეფასების სისტემიდან. აღნიშნული დოკუმენტის საბოლოო ვარიანტი წინასწარ გაეგზავნათ ფაკულტეტის საბჭოს წევრებს
გასაცნობად.აღნიშნულ დოკუმენტში თსუ-ში მოქმედ რეგულაციებზე დაყდნობით აღწერილია აკადემიური პერსონალის მიერ სასწავლო და სამეცნიერო საქმიანობის შეფასების კრიტერიუმები და მონიტორინგის წესი. ფაკულტეტის საბჭომ კენჭი უყარა დოკუმენტს - „ფსიქოლოგიისა და განათლების მეცნიერებათა ფაკულტეტის აკადემიური პერსონალის შრომის ანაზღაურების პირობები და მონიტორინგის წესი“.

მომხრე: 18
წინააღმდეგი: 0
თავი შეიკავა: 0
ფაკულტეტის საბჭომ დაამტკიცა დოკუმეტი: „ფსიქოლოგიისა და განათლების მეცნიერებათა ფაკულტეტის აკადემიური პერსონალის შრომის ანაზღაურების პირობები და მონიტორინგის წესი“.

2. ფაკულტეტზე ფინალური გამოცდების სია, ფორმატი და ჩატარების პლატფორმა
მეორე საკითხი ეხებოდა ფინალური გამოცდების ჩატარების ფორმატსა და პლატფორმას. წინასწარ გადმოგზავნილი დოკუმენტის მიხედვით ფინალური გამოცდები ყველა საგანში ტარდება ონლაინ რეჟიმში ე-ლერნინგის პლატფორმაზე. დეკანის მოადგილემ სასწავლო დარგში, ასოც. პროფესორმა ხ. მარწყვიშვილმა წარმოადგინა ჩასატარებელი გამოცდების სია.
აზრი გამოთქვეს: ამ საკითხთან დაკავშირებით საბჭოს წევრებმა გამოთქვეს მოსაზრებები. ასოცირებულმა პროფესორმა ლუიზა არუთინოვამ აღნიშნა, რომ მაგისტრატურის გამოცდების
ჩატარება სასურველია არადისტანციურ რეჟიმში. საბჭოს წვერთა უმრავლესობის აზრით, ეპიდემიოლოგიური სიტუაციის გაუმჯობესების შემთხვევაში შესაძლებელია, რომ მაგისტრატურის საფეხურის გამოცდები ჩატარდეს არადისტანციურად. ასევე, აზრი გამოთქვა ასოცირებულმა პროფესორმა შორენა მამუკაძემ. მან აღნიშნა, რომ მიუხედავად დიდი ძალისხმევისა, მაინც ვერ ხერხდება გამოცდების სრულფასოვნად ჩატარება ონლაინ რეჟიმში, რაც მნიშვნელოვნად აზიანებს სასწავლო პროცესს. სტუდენტები მაინც ახერხებენ გადაწერას, ერთმანეთისთვის პასუხების გაგზავნას. საქმეს არ შველის ხოლმე ზუმის დახმარებით მათი ვიდეოკონტროლი. ზოგჯერ სტუდენტები არ არიან ამაზე თანახმა. ამ აზრს საბჭოს წევრებიც იზიარებენ, თუმცა არსებული ვითარებიდან გამომდინარე, ძნელია რაიმე გადაწყვეტილების მიღება. საბჭომ კენჭის ყრაზე დააყენა საკითხი: ბაკალავრიატის საფეხურის გამოცდები ჩატარდეს ონლაინ რეჟიმში, ხოლო მაგისტრატურის საფეხურზე კი, ორმხრივი სურვილისა და ეპიდემიოლოგიური სიტუაციიდან გამომდინარე, შესაძლებელია კონტაქტური გამოცდების უზრუნველყოფა.

მომხრე: 18
წინააღმდეგი: 0
თავი შეიკავა: 0
დაადგინეს: ბაკალავრიატის საფეხურის გამოცდები ჩატარდეს ონლაინ რეჟიმში, ხოლო მაგისტრატურის საფეხურზე კი, ორმხრივი შეთანხმებისა და ეპიდემიოლოგიური სიტუაციიდან გამომდინარე, შესაძლებელია კონტაქტური გამოცდების უზრუნველყოფა. გარდა ამისა, აღნიშნულ საკითხთან დაკავშირებით საბჭომ კენჭის ყრაზე დააყენა კიდევ ერთი საკითხი, ეთხოვოს თსუ-ის ადმინისტრაციას მომავალი სემესტრიდან აუცილებლად უზრუნველყოს არადისტანციური, კონტაქტური გამოცდები.

მომხრე: 18
წინააღმდეგი: 0
თავი შეიკავა: 0

დაადგინეს: ეთხოვოს უნივერსიტეტის ადმინისტრაციას მომავალი სემესტრიდან ჩვეულ,
პირისპირ რეჟიმში გამოცდების ჩატარების ორგანიზება.

3. IRB- სამეცნიერო კვლევის ეთიკური საბჭოს შესახებ
ასოცირებულმა პროფესორმა ეკატერინე ფირცხალავამ საბჭოს წინაშე დააყენა IRB-სამეცნიერო კვლევის ეთიკური საბჭოს შექმნის საკითხი. აღნიშნულ საკითხთან დაკავშირებით ფაკულტეტის საბჭომ სხვადასხვა შეხვედრის დროს იმსჯელა და განიხილა საბჭოს დებულება. ეკატერინე ფირცხალავამ საბჭოზე დააყენა IRB- სამეცნიერო კვლევის ეთიკური საბჭოს შემადგენლობის საკითხი. ფაკულტეტის საბჭომ კენჭი უყარა IRB- სამეცნიერო კვლევის ეთიკური საბჭოს შემადგენლობის საკითხის შემდეგი ფორმულირებით: საბჭოს შემადგენლობაში უნდა შედიოდეს - თითოეული სასწავლო-სამეცნიერო ინსტიტუტიდან ერთი მოქმედი, ხოლო ერთი დამატებითი წევრი, 2 წარმომადგენელი არასამთავრობო ორგანიზაციიდან ან სხვა ინსტიტუციიდან, ერთი წარმომადგენელი კი - ადმინისტრაციიდან. სულ საბჭოს შემადგენლობაში უნდა იყოს 9 წევრი.

მომხრე: 18
წინააღმდეგი: 0
თავი შეიკავა: 0
დაადგინეს: IRB- სამეცნიერო კვლევის ეთიკური საბჭოს შემადგენლობაში შევიდეს: თითოეული სასწავლო-სამეცნიერო ინსტიტუტიდან ერთი მოქმედი, ხოლო ერთი დამატებითი წევრი, 2 წარმომადგენელი არასამთავრობო ორგანიზაციიდან ან სხვა ინსტიტუციიდან, ერთი წარმომადგენელი კი - ადმინისტრაციიდან. სულ საბჭოს შემადგენლობაში უნდა იყოს 9 წევრი. ასოც. პროფესორ ეკატერინე ფირცხალავას საბჭომ დაავალა შემდეგ შეხვედრაზე წარმოადგინოს IRB -სამეცნიერო კვლევის ეთიკური საბჭოს შემადგენლობა.

4. სტუდენტური ელექტრონული ჟურნალის - „ფსიქოლოგია და განათლების მეცნიერებები“- გამოცემის საკითხი
ფაკულტეტის საბჭოს თავმჯდომარემ, პროფ. თამარ გაგოშიძემ ისაუბრა სტუდენტური ელექტრონული ჟურნალის - „ფსიქოლოგია და განათლების მეცნიერებები“- შესახებ. მან აღნიშნა, რომ ჟურნალი შეიქმნა სტუდენტური საუნივერსიტეტო პროექტის ფარგლებში, სტუდენტები ძალიან აქტიურად არიან ჩართულები, გამოვიდა ძალიან საინტერესო, ხარისხიანი პირველი ნომერი. მნიშვნელოვანია, რომ ფაკულტეტმა მხარი დაუჭიროს ჟურნალის გამოცემას. პროფესორმა თამარ გაგოშიძემ მოახსენა საბჭოს წევრებს, რომ ფაკულტეტის ბიუჯეტი იძლევა ჟურნალის დაფინანსების შესაძლებლობას და საკითხი კენჭის ყრაზე დააყენა.

ფაკულტეტის საბჭომ კენჭი უყარა საკითხს: სტუდენტური ელექტრონული ჟურნალი - „ფსიქოლოგია და განათლების მეცნიერებები“ დაფინანსდეს ფაკულტეტის ბიუჯეტიდან 2000 ლარის ოდენობით.

მომხრე: 18
წინააღმდეგი: 0
თავი შეიკავა: 0
დაადგინეს: სტუდენტური ელექტრონული ჟურნალი - „ფსიქოლოგია და განათლების მეცნიერებები“ დაფინანსდეს ფაკულტეტის ბიუჯეტიდან 2000 ლარის ოდენობით.

5. ინტერდისციპლინური პროგრამებისა და კვლევის განვითარების ცენტრის და სოციალური ფსიქოლოგიის კვლევის ცენტრის ხელმძღვანელების დამტკიცება

პროფესორმა თამარ გაგოშიძემ საბჭოს წინაშე დააყენა ინტერდისციპლინური პროგრამებისა და კვლევის განვითარების ცენტრისა და სოციალური ფსიქოლოგიის ცენტრის ხელმძღვანელების დამტკიცების საკითხი. მან აღნიშნა, რომ ცენტრების დებულებები დამტკიცებულია საბჭოს მიერ და აღნიშნულ ცენტრებს ესაჭიროებათ ხელმძღვანელები. ფაკულტეტის საბჭოს თავმჯდომარემ, პროფ. თ.გაგოშიძემ დააყენა კენჭისყრაზე საკითხი: სოციალური ფსიქოლოგიის კვლევის ცენტრის ხელმძღვანელად დაინიშნოს ასოცირებული პროფესორი ანასტასია ქიტიაშვილი.
მომხრე: 18
წინააღმდეგი: 0
თავი შეიკავა: 0

დაადგინეს: სოციალური ფსიქოლოგიის კვლევის ცენტრის ხელმძღვანელად დაინიშნოს ასოცირებული პროფესორი ანასტასია ქიტიაშვილი.

ფაკულტეტის საბჭოს თავმჯდომარემ, პროფ. თ.გაგოშიძემ დააყენა კენჭისყრაზე საკითხი: ინტერდისციპლინური პროგრამებისა და კვლევის განვითარების ცენტრის ხელმძღვანელად დაინიშნოს ასისტენტ პროფესორი ვლადიმერ გამსახურდია.
მომხრე: 18
წინააღმდეგი: 0
თავი შეიკავა: 0

დაადგინეს: ინტედისციპლინური ცენტრის ხელმძღვანელად დაინიშნოს ასისტენტ პროფესორი ვლადიმერ გამსახურდია.

6. ფსიქოლოგიის ფაკულტეტის ბაკალავრიატის 2003 წლის კურსდამთავრებულ ნატავან მამედოვას დიპლომის ფორმისათვის განსაზღვრული სავალდებულო მონაცემის შექმნა

ფაკულტეტის საბჭოს მდივანმა ასოც. პროფესორმა ირინე ჟვანია საბჭოს წევრებს გააცნო ბაკალავრიატის 2003 წლის კურსდამთავრებულ ნატავან მამედოვას დიპლომის ფორმის
განსაზღვრასთან დაკავშირებული სავალდებულო მონაცემის შექმის საკითხი. ფაკულტეტზე სასწავლო პროცესის მართვის დეპარტამენტიდან შემოსულია წერილი (#8733/10,
15.05.2021), რომელშიც ითხოვენ თსუ ფსიქოლოგიის ფაკულტეტის ბაკალავრიატის 2003 წლის კურსდამთავრებულ ნატავან მამმადოვას განცხადებასთან დაკავშირებით დიპლომის
ფორმისთვის განსაზღვრული სავალდებულო მონაცემების შექმნას და მინიჭებული აკადემიური ხარისხის დაზუსტებას (ბაკალავრიატი). ზემოაღნიშნულ საკითხთან დაკავშირებით ჩატარდა ადმინისტრაციული წარმოება და დადგინდა, რომ ნატავანი მამედოვა 1999 წელს (ბრძ. #4/733, 31. 08. 1999 წ.) ჩაირიცხა ივანე ჯავახიშვილის სახელობის თბილისის სახელმწიფო უნივერსიტეტის ფსიქოლოგიის ფაკულტეტის ფასიანი განყოფილების დასწრებული სწავლების ფსიქოლოგიის სპეციალობაზე. 2003 წელს (ბრძ. #4/740, 08. 07. 2003 წ.) ივანე ჯავახიშვილის სახელობის თბილისის სახელმწიფო უნივერსიტეტის ფსიქოლოგიის ფაკულტეტის არასაბიუჯეტო განყოფილების კურსდამთავრებულ ნატევანი მამედოვას მიენიჭა ფსიქოლოგიის ბაკალავრის აკადემიური ხარისხი, შრომისა და ორგანიზაციის ფსიქოლოგიის სპეციალობით. ფსიქოლოგიის ფაკულტეტის სახელმწიფო საგამოცდო კომისიის 2003 წლის 21 ივნისის შემაჯამებელი სხდომის (ოქმი უნომრო) გადაწყვეტილებით ფასიანი განყოფილების კურსდამთავრებულ ნატავან მამედოვას მიენიჭა ბაკალავრის აკადემიური ხარისხი, შრომისა და ორგანიზაციული ფსიქოლოგიის სპეციალობით. საქმის წარმოებისას აგრეთვე გამოირკვა, რომ 2003 წელს აღნიშნული ბრძანებით (სპეციალობით შრომისა და ორგანიზაციის ფსიქოლოგია) საგანმანათლებლო პროგრამა ნატევანი მამედოვასთან ერთად დაასრულა ხუთმა სტუდენტმა (ბრძანება #4/740, 08. 07. 2003 წ. აკადემიური ხარისხის მინიჭებისა შესახებ), მათ პირად საქმეებში არსებული დოკუმენტაციით და დიპლომების გაცემის სარეგისტრაციო ჟურნალით დასტურდება მათი სწავლების ფაქტი ფსიქოლოგიის ფაკულტეტზე.

წარმოგიდგენთ ზემოაღნიშნულ კურსდამთავრებულთა სიას :

„მიენიჭოს ფსიქოლოგიის ბაკალავრის აკადემიური ხარისხი ფსიქოლოგიის ფაკულტეტის არასაბიუჯეტო განყოფილების კურსდამთავრებულებს შრომისა და ორგანიზაციის ფსიქოლოგიის სპეციალობით:
დიპლომი წარჩინებით
1. მამედოვა ნატევანი
2. საბელაშვილი სალომე
დიპლომი ჩვეულებრივი
1. გაფრინდაშვილი თინათინი
2. გიორგობიანი მარიამი
3. ქუთელია მანანა“

ვინაიდან, საქმის გარემოებებიდან გამომდინარე, ვერ დგინდება ნატევანი მამედოვას სახელზე გასაცემი ახალი დიპლომის ფორმისათვის სავალდებულო მონაცემები, ფაკულტეტმა უნდა
განსაზღვროს აკადემიური ხარისხის/კვალიფიკაციის მინიჭების თაობაზე მიღებული გადაწყვეტილების ოქმის ნომერი და დააზუსტოს ნატევანი მამედოვას სპეციალობა და აკადემიური ხარისხი რექტორის #4/711, 05. 07. 2004 წ. ბრძანებაზე დაყრდნობით. მაშასადამე ფაკულტეტის საბჭომ უნდა შეიტანოს შესწორება ფსიქოლოგიის ფაკულტეტის 2003 წლის სახელმწიფო საგამოცდო კომისიის 21 ივნისის შრომისა და ორგანიზაციის ფსიქოლოგიის სპეციალობის ოქმში და მინიჭებული კვალიფიკაცია უნდა ჩამოყალიბდეს შემდეგნაირად: ფსიქოლოგიის ბაკალავრის აკადემიური ხარისხი, შრომისა და ორგანიზაციის ფსიქოლოგიის სპეციალობით. ოქმის პირობით ნომრად განისაზღვროს ნატევანი მამედოვას კვალიფიკაციის მინიჭების ბრძანების ნომერი, რომელსაც წილადის შემდეგ დაემატება ასო „პ“ (4/პ) ნომრის პირობითობის აღსანიშნავად. ზემოაღნიშნული პირობა გავრცელდება ბრძანებაში მითითებულ ყველა კურსდამთავრებულზე და მათ დიპლომებში ცვლილება განხორციელდება ინდივიდუალურად მომართვის შემთხვევაში. ფაკულტეტის საბჭომ კენჭის ყრაზე დააყენა საკითხი: ფსიქოლოგიის ფაკულტეტის შრომისა და ორგანიზაციის ფსიქოლოგიის სპეციალობის 2003 წლის კურსდამთავრებულთა, მათ შორის ნატევანი მამედოვას აკადემიური ხარისხის მინიჭების თაობაზე მიღებული გადაწყვეტილების (ოქმის) ნომრად განისაზღვროს 4/პ, ხოლო აკადემიური ხარისხად განისაზღვროს ფსიქოლოგიის ბაკალავრის აკადემიური ხარისხი, შრომისა და ორგანიზაციის ფსიქოლოგიის სპეციალობით. ფსიქოლოგიის ფაკულტეტის სახელმწიფო საგამოცდო კომისიის 2003 წლის 21 ივნისის შემაჯამებელი სხდომის (ოქმი #4/პ) გადაწყვეტილებით ფასიანი განყოფილების კურსდამთავრებულ ნატავან მამედოვას მიენიჭა ფსიქოლოგიის ბაკალავრის აკადემიური ხარისხი, შრომისა და ორგანიზაციის ფსიქოლოგიის სპეციალობით.

მომხრე: 18
წინააღმდეგი: 0
თავი შეიკავა: 0

დაადგინეს: ფსიქოლოგიის ფაკულტეტის შრომისა და ორგანიზაციის ფსიქოლოგიის სპეციალობის 2003 წლის კურსდამთავრებულთა, მათ შორის ნატევანი მამედოვას აკადემიური
ხარისხის მინიჭების თაობაზე მიღებული გადაწყვეტილების (ოქმის) ნომრად განისაზღვროს 4/პ, ხოლო აკადემიური ხარისხად განისაზღვროს ფსიქოლოგიის ბაკალავრის აკადემიური ხარისხი,
შრომისა და ორგანიზაციის ფსიქოლოგიის სპეციალობით. მაშასადამე: ფსიქოლოგიის ფაკულტეტის სახელმწიფო საგამოცდო კომისიის 2003 წლის 21 ივნისის შემაჯამებელი სხდომის (ოქმი #4/პ) გადაწყვეტილებით ფასიანი განყოფილების კურსდამთავრებულ ნატავან მამედოვას მიენიჭა ფსიქოლოგიის ბაკალავრის აკადემიური ხარისხი, შრომისა და ორგანიზაციის ფსიქოლოგიის სპეციალობით. ზემოაღნიშნული პირობა გავრცელდება ბრძანებაში მითითებულ ყველა კურსდამთავრებულზე და მათ დიპლომებში ცვლილება განხორციელდეს ინდივიდუალურად მომართვის შემთხვევაში.

7. სხვა:
პროფესორმა ლალი სურმანიძემ ისაუბრა უმაღლესი განათლების მუშაკთა პროფკავშირების შექმნის საკითხზე. მან აღნიშნა, რომ პროფესორმა გია ჟორჟოლიანმა გაუზიარა უმაღლესი
განათლების მუშაკთა პროფკავშირის წესდება გასაცნობად. აღნიშნულ წესდებას ის დაუგზავნის ფაკულტეტის საბჭოს წევრებს. წესდების გაცნობის შემდეგ შესაძლებელია ფაკულტეტის საბჭომ განიხილოს აღნიშნული საკითხი.

 

საბჭოს თავმჯდომარე: პროფესორი თამარ გაგოშიძე      

საბჭოს მდივანი: ასოცირებული პროფესორი ირინე ჟვანია